பேஸ்புக் தளத்தை இண்டர்நெட் இல்லாமல் பயன்படுத்த முடியும் என உங்களுக்குத் தெரியுமா?

பயனர்கள் இண்டர்நெட் இல்லாமல் தங்களது மொபைல் போன் மூலம் ஃபேஸ்புக் பயன்படுத்த எளிய வழிமுறை இருப்பது தெரிய வந்திருக்கின்றது.

இந்தச் சேவையை வழங்க ஃபோனெட்விஷ் எனும் நிறுவனம் ஃபேஸ்புக் நிறுவனத்துடன் இணைந்திருக்கின்றது. அதன் படி பயனர்களுக்கு இண்டர்நெட் இல்லாமல் ஃபேஸ்புக் சேவையை வழங்கும் பணிகளை ஃபோனெட்விஷ் நிறுவனம் மேற்கொண்டு வருகின்றது.

மொபைல் போனில் இண்டர்நெட் இல்லாமல் ஃபேஸ்புக் பயன்படுத்த முதலில் உங்களது மொபைலில் இருந்து *325# என்ற எண்ணிற்கு அழைப்பு மேற்கொள்ள வேண்டும்.
பின் மொபைல் போன் திரையில் உங்களது ஃபேஸ்புக் கணக்கின் குறியீடு ஃபேஸ்புக் (யூஸர்நேம்) மற்றும் கடவுச்சொல் (பாஸ்வேர்டு) பதிவு செய்யக்கோரும்.

குறியீடு மற்றும் கடவுச்சொல் பதிவு செய்ததும், மொபைல் திரையில் தோன்றும் தகவலில் 10 நாட்களுக்கு ரூ.10 கட்டணம் பிடிக்கப்படும், இதனை உறுதிசெய்யும் தகவல் தெரியும்.
இண்டர்நெட் இல்லாமல் ஃபேஸ்புக் பயன்படுத்த கட்டணமாக நாள் ஒன்றைக்கு ரூ.1 ஃபோனெட்விஷ் நிறுவனம் வசூலிக்கின்றது. இதனை உறுதி செய்ததும் ஃபேஸ்புக் பயன்படுத்த முடியும்.
கட்டணம் செலுத்திய பின் திரையில் ஃபேஸ்புக் மெனு 8 ஆப்ஷன்கள் தோன்றும், அவற்றில் ஒன்றைத் தேர்வு செய்து ஃபேஸ்புக் பயன்படுத்த முடியும்.

மொபைலில் டேட்டா பேக் இல்லாத சமயங்களிலும் ஃபேஸ்புக் வசதி இல்லாத பீச்சர் போன் கருவிகளில் இந்த அம்சம் பயனுள்ளதாக இருக்கும்.

Facebook Comments