நான்காவது நாளாக தொடரும் புதுக்குடியிருப்பு மக்களின் சுழற்சி முறை உண்ணாவிரத போராட்டம்..!

முல்லைத்தீவு புதுக்குடியிருப்பு பிரதேச செயலகத்திற்கு முன்னால் ஆரம்பிக்கப்பட்ட சுழற்சி முறையிலான உண்ணாவிரதப் போராட்டம் இன்று (வெள்ளிக்கிழமை) நான்காவது நாளாகவும் தொடர்கின்றது.

கேப்பாப்பிலவு மக்களைப் போன்றே, புதுக்குடியிருப்பு காணியை விடுவிக்குமாறு வலியுறுத்தி கடந்த 2ஆம் திகதி ஆரம்பிக்கப்பட்ட இந்த பேராட்டம், சுழற்சி முறையிலான உண்ணாவிரதப் போராட்டமாக மாற்றம் பெற்றுள்ளது.

தமது சொந்த காணியை மீட்பதற்கான, முல்லைத்தீவு மக்களின் சுழற்சி முறையிலான உண்ணாவிரதப் போராட்டம் இன்று நான்காவது நாளாகவும் தொடர்கின்றது.

புதுக்குடியிருப்பில் 19 குடும்பங்களுக்கு சொந்தமான 49 ஏக்கர் காணிகளிலிருந்து இராணுவத்தினர் வெளியேற வேண்டும் என்ற கோரிக்கையை முன்வைத்து மக்கள் இந்த போராட்டத்தில் ஈடுபட்டுள்ளனர்.

போராட்டத்தில் ஈடுபட்டுவரும் மக்களின் பிரதிநிதிகள் கடந்த வாரம் கொழும்பிற்கு அழைக்கப்பட்டு, அவர்களுக்கும் பிரதமர் ரணில் விக்ரமசிங்கவிற்கும் இடையில் அலரி மாளிகையில் சந்திப்பொன்று இடம்பெற்றது. எனினும் இந்த சந்திப்பில் திருப்தி கொள்ளாத மக்கள் தொடர்ந்தும் போராடி வருகின்றமை குறிப்பிடத்தக்கது.

Facebook Comments

LEAVE A REPLY

Please enter your comment!
Please enter your name here