வவுனியாவில் வாகன தகர்ப்பு வெடிபொருள் மீட்பு

வவுனியா உக்குளாங்குளம் பகுதியில் 15 கிலோ எடையுடைய வாகன தகர்பு வெடிபொருள் ஒன்று இன்று மாலை மீட்கப்பட்டுள்ளது.

வவுனியா உக்கிளாங்குளம் 04ஆம் ஒழுங்கையில் உள்ள வீடொன்றில் இருந்து குறித்த வெடிபொருள் மீட்கப்பட்டுள்ளது.

புதுவருடத்தினை முன்னிட்டு வீடு மற்றும் வீட்டின் வளவினை தூய்மை படுத்தும் போது மண்னில் புதையுண்ட நிலையில் குறித்த 15 கிலோ நிறையுள்ள வெடிபொருள் காணப்பட்டுள்ளது.

இதனையடுத்து, வீட்டின் உரிமையாளர் பண்டாரிக்குளம் பொலிஸாருக்கு வழங்கிய தகவலையடுத்து, சம்பவ இடத்திற்கு வருகை தந்த பண்டாரிக்குளம் பொலிஸார் மற்றும் வவுனியா குற்றத்தடுப்பு பிரிவு பொலிஸார் வெடிபொருளை பார்வையிட்டதுடன், இது தொடர்பான விசாரணைகளையும் மேற்கொண்டுள்ளனர்.

மேலும், நீதிமன்ற அனுமதியினை பெற்று விசேட அதிரடி படையினரின் உதவியுடன் வெடிபொருளை செயலிழக்க செய்வதற்கான நடவடிக்கையில் பொலிஸார் ஈடுபட்டுள்ளனர்.

இதேவேளை, குறித்த வெடிபொருளில் கப்டன் பவான் (ஐயா) தகர்ப்பு வெடிமருந்தென பொறிக்கப்பட்டுள்ளதுடன், இது விடுதலைப்புலிகளால் புதைக்கப்பட்டு இருக்கலாம் என நம்பப்படுகின்றது.

LEAVE A REPLY

Please enter your comment!
Please enter your name here